Ukens grovis

Kneipbrød_GROVT_WF2
Det er flest hverdager, og grovbrødet er en viktig del av den. Bak selv, så har du full kontroll over ingrediensene.

Opplysningskontoret for Brød og Korn lanserer denne uken bakeboken «Grovt» som hjelper deg til å bli ekspert på å bake ditt eget grovbrød. Boken er full av spennende oppskrifter på saftige, grove hverdagsbrød. I tillegg får du masse gode baketips. Her er en smakebit. God bakst!

KNEIPPBRØD
Kneippbrødet er kalla opp etter den tyske presten og legen Sebastian Kneipp (1821–1897). Noregs første kneippbrød blei bakt i 1895. Sidan den gong har brødet vore eit av dei mest selde her til lands.
2 brød

Bløytlegging:
500 g sammalen kveite, grov
5 dl vatn

Hovuddeig:
500 g fullkornkveitemjøl
2 ts salt
2 ts sukker
3 dl vatn
3 ss rapsolje
1 pk. gjær

Bland saman ingrediensane til bløytlegginga i ein bakebolle, og la bollen stå på benken i 20–30 minutt. Ha resten av ingrediensane i same bakebolle som bløytlegginga. Elt deigen godt for hand eller i ei kjøkenmaskin. Start med låg fart i ca. 10 minutt, og auk farten etter kvart viss du nyttar kjøkenmaskin. Nytt «tyggegummitesten» for å sjekke om deigen er ferdig elta. Dekk bakebollen med plast, og la deigen heve til dobbel storleik, ca. 40 minutt. Ta deigen ut på eit lett mjøla bord. Del han i to, og elt kvart emne godt. Form emna til avlange brød. Legg dei i smurde brødformer (1 ½ liter). Dekk formene med plast, og la brøda etterheve til dobbel storleik, ca. 30 minutt. Steik brøda på rist nedst i omnen ved 200 °C i 50–60 minutt. Avkjøl dei på rist.

Pestosnurrar
 

PESTOSNURRAR
Nydelege grove snurrar med soltørka tomat og pesto. Passar perfekt i matboksen eller på tur.
Ca. 20 snurrar

Skålding:
400 g sammalen kveite, fin
4 dl kokande vatn

Hovuddeig:
300 g kveitemjøl
2 ts salt
2 dl mjølk
½ pk. gjær

Fyll:
200 g pesto
150 g hakka soltørka tomatar i olje
150 g riven gulost

Bland saman ingrediensane til skåldinga i ein bakebolle, og la han stå på benken i 30 minutt. Ha resten av ingrediensane i same bakebolle som skåldinga. Elt deigen godt for hand eller i ei kjøkenmaskin. Start med låg fart i 4 minutt, og elt så i 10 minutt på litt høgare fart viss du nyttar kjøkenmaskin. Nytt «tyggegummitesten» for å sjekke om deigen er ferdig elta. Dekk bakebollen med plast, og la deigen heve til dobbel storleik, ca. 1 time. Ta deigen ut på eit lett mjøla bord. Kjevle han ut til ein avlang firkant med jamn tjukkleik, ca. 30 x 50 cm. Smør på pesto, og fordel soltørka tomatar og riven ost utover. Rull deigen forsiktig saman til ei lang pølse. Skjer 2 cm tjukke skiver av deigpølsa, til ca. 20 snurrar. Legg snurrane på ei steikeplate med bakepapir med snittflata opp. Dekk snurrane med plast, og la dei etterheve til dobbel storleik, ca. 20 minutt. Steik snurrane midt i omnen ved 225 °C i 10–15 minutt til dei er gyllenbrune. Avkjøl dei på rist.

Tips: Du kan byte ut dei soltørka tomatane med kyllingpålegg eller spekeskinke.

Bakarens_byggbrød
 

BAKARENS BYGGBRØD
Bygg inneheld dei gode betaglukanane som vi bør ete meir av. Den gode smaken blir framheva ved at brødet blir bakt over to dagar.
2 brød

Dag 1
Skålding:
100 g byggryn
2 dl vatn
5 g salt

Fordeig:
10 g gjær
3 dl kefir eller kulturmjølk
150 g kveitemjøl
200 g byggmjøl
50 g kveitekli

Dag 2
Hovuddeig:
3 ½ dl vatn
400 g kveitemjøl
100 g sammalen kveite, fin
5 g gjær
10 g salt
byggmjøl til pynt

Dag 1
Skålding: Bland saman ingrediensane i ei gryte, og kok opp. Ta gryta av plata, dekk ho med plast, og set ho i kjøleskapet til neste dag.
Fordeig: Rør gjær og mjølk saman i ein bakebolle, og bland inn mjølet til ein stiv masse. Dekk bollen med plast, og set han i kjøleskapet til neste dag.

Dag 2
Ta ut skåldinga og fordeigen frå kjøleskapet når du startar bakinga, slik at dei blir romtempererte til du skal bruke dei. Bland saman ingrediensane til hovuddeigen i ein bakebolle. Elt deigen godt for hand eller med ei kjøkenmaskin i 5–10 minutt. Dekk bollen med plast, og la deigen heve i 3 timar. Bland skåldinga og fordeigen med hovuddeigen, og tilset ½ dl vatn. Elt dette saman på sakte fart til fordeigen er løyst opp. Tilset deretter ½–1 dl ekstra vatn, og fortset eltinga til deigen blir glatt og slepper bollen. Auk farten undervegs. Nytt «tyggegummitesten» for å sjekke om deigen er ferdig elta. Ta deigen ut på eit lett mjøla bord. Del han i to like store emne som du formar til runde bollar. Set dei på ei steikeplate med bakepapir. Dekk brøda med plast eller eit klede, og la dei etterheve til dobbel storleik, 1 ½–2 timar. Dryss mjøl over brøda, og snitt eit hjarte med ein skarp kniv. Forvarm omnen til 250 °C. Set inn brøda midt i omnen, og senk temperaturen til 220 °C. Steik brøda i ca. 45 minutt. Avkjøl dei på rist.

Matmuffins
 

MATMUFFINS
Matmuffins kan du nyte som dei er, heime eller i matpakka. Du kan også servere dei med ei spekeskinke og ein grøn salat, som ein enkel kvardagsmiddag.
12 muffins

160 g fullkornkveitemjøl
30 g solsikkefrø
30 g sesamfrø
2 ts bakepulver
1 ts sukker
½ ts salt
2 egg
150 g rømme
½ dl mjølk
3 ss olje

Fyll:
100 g fetaost
12 cherrytomatar
50 g fersk babyspinat

Ha alle ingrediensane bortsett frå fyllet i ein bakebolle, og bland godt. Del fetaosten i bitar, tomatane i båtar, og grovhakk babyspinaten. Bland dette forsiktig inn i muffinsrøra. Nytt eit muffinsbrett med plass til 12 muffins. Plasser papirformer i muffinsbrettet. Fyll formene to tredels fulle. Steik muffinsane midt i omnen på 200 °C i 20–25 minutt. Avkjøl dei på rist.
 
Alle oppskrifter og bilder er hentet fra «Grovt». Kjøp den her.

Leave a Reply

Your email address will not be published. Required fields are marked *